خوش مسلمان ہے ماہِ رمضان میں، رمضان مبارک شاعری Ramzan Mubarak Shayari

رمضان مبارک شاعری فوٹو Ramzan Mubarak Shayari photo image HD

خوبصورت رمضان مبارک شاعری اردو میں لکھی ہوئی

ماہِ رمضان میں

خوش مسلمان ہے ماہِ رمضان میں
رب کا احسان ہے ماہِ رمضان میں

رحمتیں برکتیں لوٹ لے جو وہی
نیک انسان ہے ماہِ رمضان میں

ہوگٸے ہیں سبھی بند دوزخ کے در
قید شیطان ہے ماہِ رمضان میں

کیا فضیلت عطا کی ہے رب نے اسے
اترا قرآن ہے ماہِ رمضان میں

ایک نیکی پہ ہے اجر ستر گنا
سب کا ایمان ہے ماہِ رمضان میں

کون ہے جو کرے مجھ سے بخشش طلب
رب کا اعلان ہے ماہِ رمضان میں

کرتا ہے رب دعائیں سبھی کی قبول
اس کا فرمان ہے ماہِ رمضان میں

برکتیں دیکھ کر روزے داروں کے گھر
عقل حیران ہے ماہِ رمضان میں

بخش دے اے خدا اپنے عاصی کو تو
دل کا ارمان ہے ماہِ رمضان میں

عاصی چمپانی
پرسا پٹھان پٹی مشرقی چمپارن بہار