ناجی منورصاب پننس لوکٹس بائیس ڈاکٹر شفیع شوق صابس سئتی ہماری یادوں کے جھروکے میں

ناجی منورصاب پننس لوکٹس بائیس ڈاکٹر شفیع شوق صابس سئتی اکھ یادگار تصویر

ناجی صابن اصلی ناو اوس غلام نبی تہ ذات اسکھ لون۔ناجی منور اوس تمن قلمی ناو۔ناجی صاب ذایہ 1933 منز شپین ضلعکس اکس مشہور و معروف گام کاپرنس منز ۔تالیم حاصل کرنہ پتہ لئگی محکمے تالیمس منز بحثیت ووستاد تہ گییہ ارونزہن وری ین محکمے تالیمس منز کام کرنہ پتہ 1991ء منز بحثیت ہیڈ ماسٹر سبکدوش۔

ناجی صاب آسی اکھ سیود سادہ تہ لولہ برتھ انسان۔تمن اوس کاشرس ادبس تہ کاشرہ زبانی سئتی سکھ ماے تہ محبت تم رودی مرنکس دمس تام کاشرہ زبانی خدمت کراں۔تم اسی منظوم کلام علاوہ نثرس منز تہ مختلف موضوعن پیٹھ لیکھاں۔تم آسی کاشرہ زبانی ہندی اکھ بئڈی بارہ محقق تہ نقاد۔

کاشرہ ادبک تواریخ لیکھن چھ کاشرہ زبانی اکھ بوڈ بارہ دیت تمو لیچھہ بچن پیٹھ واراہ نظمہ یمہ سیٹھاہ پسند ایہ کرنہ۔ناجی صابس ایہ کاشرہ زبانی تہ ادبکس مادانس منز واراہ کارنامہ انجام دنس پیٹھ واراہ قومی تہ علاقائی ایوارڈ دنہ۔

کاشرہ زبانی ہند یہ بہلہ پایہ شاعر،ادیب،محقق تہ نقاد سپد قریباً 88 وری وانسہ منز 10 نومبر 2021 رحمت حق۔اللہ تعالیٰ کری نکھ کروٹ کروٹ جنت نصیب آمین ثم آمین

تحریر : عرفان بشیر آڑی جن شوپیان