ہنڑ میں خوش ہاں - پنجابی شاعری پنجابی نظم اردو میں

نظم

(ہنڑ میں خوش ہاں)

کل میں اپنڑی گلی دے وچ

کھڑا ہامی کیا میں سنڑداں

میڈا یار اوہو یار

جہڑا میکوں پتہ کینی

کہڑی گال توں رُس ہائی گیا

میڈا یار سونڑا یار

چن دا ٹوٹا میڈا یار

لوکیں کولوں پُچھدا کھڑائے

کاظم کتھائے کاظم کتھائے

صدقے ونجاں

بھلا تھیوے جنت ونجن

جنھاں میڈے گھر دا رستہ

سدھا سدھا اوکوں ڈسائے

ایہا گلی سجی مڑ کے اگوں

چٹی مسجد آسی

اوندے بلکل سامنڑے دیکھیں

گھر دے اُتے کالے رنگ دا

علم ڈیکھیں لگا ہوسی

اُوں کالے علم تلے تیڈے ناں دا

سچھی آھدوں

ڈیوا ہک او روز بلیندائے

ٹیڈے آنڑ دی آس رکھیندائے

کیا میں ڈیدھاں

آ او پُجا

آندے سر میں ایہ پُچھا

یار کیڈے گیا ہاویں

دور کیوں تھیا ہاویں

گلے لا کے میکوں آہدائے

بُھل ونج کاظم پُچھلیاں گلاں

بس توں اپنڑا حال سُنڑا

متھا اوندا

چم کے آکھم

ہنڑ میں خوش ہاں

ڈاھڈا خوش ہاں

ڈاکٹر سید کاظم