نذرانہء عقیدت
محمد یوسف خان ( دلیپ کمار ) کی نذر
کسی بھی بزم میں ہوتا ہے گر ذکرِ اداکاری
سرِ فہرست اے یوسف ترا ہی نام آتا ہے
بسا ہے تو سبھی اہلِ ہنر کے قلب میں ایسا
کہ ہر اہلِ نظر کو یاد صبح و شام آتا ہے
****
شہنشاہِ اداکاری تجھے یوں ہی نہیں کہتے
دکھائے ہیں غضب ہی دلنشیں انداز کے جوہر
ترے فن پارہء سیمیں کے ہیں اہلِ نظر قائل
چمکتا ہے زمانے میں تو مثلِ ضٙو فِشاں گوہر
***
رہے گی اِس جہاں میں جب تلک فنِ اداکاری
رہے گا آسمانِ فن پہ تیرا نام تابندہ
سنہرے حرف میں تحریر ہوں گی خوبیاں تیری
رہے گا تو سدا اہلِ نظر کے قلب میں زندہ
***
نئے انداز سے تو نے تراشا جوہرِ فن کو
کہ ہر طرزِ اداکاری تری، نظروں کی جنت ہے
مقامِ اوج پر فائز ہوا یوں ایکٹنگ کا فن
کہ خود فنِ اداکاری تری مرہونِ منت ہے
***
اے شہنشاہِ ادا ! ہے خوب ہی تیرا مقام
ہے ترے فن کو سبھی اہلِ عقیدت کا سلام
اے درخشاں آفتابِ پردہء سیمیں تجھے
پیش کرتا ہے غزالی چشمِ تر سے یہ کلام
✒️ ۔۔۔۔۔ محمد مصطفےٰ غزالی، پٹنہ
📞 ۔۔۔ 9798993200 : 8409508700
 کی نذر){kind=link}
0 تبصرے