مجھ کو ہر عیب سے جدا کر دے | پریم ناتھ بسمل دعا شاعری نظم

دعا غزل | دعا نظم | دعائیہ کلمات | دعا کرو شاعری

حمد و ثنا اور دعا شاعری : پریم ناتھ بسملؔ

دعا

مجھ کو ہر عیب سے جدا کر دے

دل کو قرآن اے خدا کر دے

زندگی ہو مری تری خاطر

دین پر مجھ کو تو فدا کر دے

دل میں الفت ہو ہر کسی کے لئے

اس قدر مجھ کو باوفا کر دے

تیری قدرت ہے اس قدر مولا

کھوٹے سکے بھی تو کھرا کر دے

سچ کو لکھنے کی دے مجھے ہمّت

نام دنیا میں تو مرا کر دے

ابر رحمت کا بخش دے پھر سے

اس جہاں کو ہرا بھرا کر دے

بخش دے ایسی روشنی مجھ کو

میں برا ہوں بہت، بھلا کر دے

مانگتا ہوں میں بس دعا بسملؔ

مجھ پہ احسان اب ذرا کر دے

پریم ناتھ بسمل

مرادپور، مہوا، ویشالی، بہار