نظر مجھ سے چھپاتے ہو یہ تم اچھا نہیں کرتے : غزل - محمد کاظم شیرازی

Urdu Ghazal Nazar Mujhse Chhupate Ho Ye Tum Achcha Nahin Karte Mohammed Kazim Shiraji

غزل

نظر مجھ سے چھپاتے ہو یہ تم اچھا نہیں کرتے

فقط خوابوں میں آتے ہو یہ تم اچھا نہیں کرتے

ہٹا کر رخ سے جو پردہ چھپالیتے ہو پھر جاناں

خلش دل کی بڑھاتے ہو یہ تم اچھا نہیں کرتے

بلا کر پاس اپنے تم سدا اغیار کو ہمدم

ہمارا دل دکھا تے ہو یہ تم اچھا نہیں کرتے

ہمارے ہجر پر جاناں سجاکر پیار کی محفل

بہت خوشیاں مناتے ہو یہ تم اچھا نہیں کرتے

تمہیں ہم آزمانے پر اتر آئیں تو کیا ہوگا

ہمیں جو آزماتے ہو یہ تم اچھا نہیں کرتے

سدا مسکال کرتے ہو کبھی ملنے بھی آجائو

ہمیں یوں ہی ستاتے ہو یہ تم اچھا نہیں کرتے

منانا آج تک کاظم ہمیں آیا نہیں پھر بھی

ہمشیہ روٹھ جاتے ہو یہ تم اچھا نہیں کرتے

محمد کاظم شیرازی

جونپور یوپی انڈیا

Motivational Ghazal Shayari Urdu

اردو غزل

عزتیں تار تار مت کرنا

دل کسی کا فگار مت کرنا

صبر کر لینا درد لفظوں کا

تم کسی دل پہ وار مت کرنا

لوگ اکثر ذلیل کرتے ہیں

تم کسی سے ادھار مت کرنا

لوگ تجھ سے رہیں پریشاں بہت

ایسا اپنا شعار مت کرنا

میں برا ہوں یہ صاف کہتا ہوں

مجھ کو اچھا شمار مت کرنا

بے وفا سے تو دل لگا لے مگر

حسن والوں سے پیار مت کرنا

پیار کرنا ہے تو کرو لیکن

باپ کو شرمسار مت کرنا

موت کا کچھ بھروسہ تو ہے نہیں

تم مرا انتظار مت کرنا

رنگ ہر دن بدلتا ہے کاظم

حسن کا اعتبار مت کرنا

محمد کاظم شیرازی

جونپور یوپی انڈیا