اب کیا کہوں میں حال دلِ بے قرار کا : اردو غزل - پریم ناتھ بسملؔ

بے قرار دل عشق محبت شاعری | زخمی دل شاعری | دل توڑنے پر شاعری

Bekarar Dil Urdu Shayari Photo | Jakhmi Dil Shayari Image | Dil Ka Haal Shayari Photo HD Premnath Bismil

غزل

اب کیا کہوں میں حال دلِ بے قرار کا

تقدیر میں لکھا ہی نہیں جلوہ یار کا

ملتا نہیں سکون کہیں بھی جہان میں

کہتے ہیں سب کہ روگ لگا تجھ کو پیار کا

کھلتے نہیں ہیں پھول کہیں بھی چمن میں اب

گلشن سے جیسے روٹھا ہے موسم بہار کا

اب گھر بھی مجھ کو لگتا ہے زندان کی طرح

ہر فرد کام کرنے لگا پہرے دار کا

گھٹ گھٹ کے مر رہا ہوں اسی فکر کے سبب

پرسش کرے گا کون بھلا دلفگار کا

چھت پر تو چلی آتی کبھی چاند رات میں

یہ آرزو ہے کب سے دلِ بے قرار کا

بسملؔ میں آدھی رات کو گھر سے نکل پڑا

آیا ہے پھر خیال اسی کے دیار کا

پریم ناتھ بسملؔ

ٹوٹے دل کی شاعری دل پر غزل اردو لو شاعری دل دکھانے پر شاعری