عید مبارک شاعری عید پر اشعار عید پر شاعری پنجابی اردو

عید مبارک کے عنوان پر پنجابی اشعار اور نظمیں اردو میں لکھی ہوئی

عید کلام

شاعر مولاناعبدالعزیز ایاؔز لودہری

بطرز: میں اکھ کھولاں یا سوجاواں مدینہ سامنے ہووے

مدینہ مدینہ مدینہ مدینہ

مدینے وچ جے عید آوے مناونڑ دا مزہ آسی

یکے ڈکھڑے اے کڈھ کے سئیں سناونڑ دا مزه آسی

منادی هاں میں مدتاں دا ٹھنڈ پیندی اے سینے وچ

چنگاں میڈا او ڈینہ هوسی لنگھاونڑ دا مزه آسی

مدینے وچ جے عید آوے مناونڑ دا مزہ آسی

یکے سنگتی رل مل تے عیداں جے منایوسے

بنڑ ٹھنڑ کے نوویں کپڑے پاونڑ دا مزه آسی

مدینے وچ جے عید آوے مناونڑ دا مزہ آسی

ڈکھاوے رب او در ساکوں جیندی هے آس مدتاں توں

سارے آمین آکھو تاں الاونڑ دا مزه آسی

مدینے وچ جے عید آوے مناونڑ دا مزہ آسی

سک هے ایاؔز سینے وچ مراں ونج کے مدینے وچ

بقیع اچ جے قبر ملے دفناونڑ دا مزہ آسی

مدینے وچ جے عید آوے مناونڑ دا مزہ آسی

یکے ڈکھڑے اے کڈھ کے سئیں سناونڑ دا مزه آسی

شاعر :مولاناعبدالعزیز ایاؔز لودہری

عید اشعار

ازقلم مولاناعبدالعزیز ایاؔز لودہری

03027875209

عید مبارک شاعری پنجابی

هر سال پچھوں ولا ہک عید آندی لوکی عیدمنیدن میں ڈکھ پونداں

پڑھ عید نماز اے سجنڑاں کوں ونج مبارک ڈیندن میں ڈکھ پونداں

ایہے ولدن حاجی جڈاں مدینے توں آ اپنڑاں حال سنڑیندن میں ڈکھ پونداں

میکوں ڈکھ توں ایاؔز ڈکھ لگدن جڈاں اے حاجی ویندن میں ڈکھ پوندان

عید اشعار

ازقلم☜ مولاناعبدالعزیز ایاؔز لودہری

03027875209

وڈا مل قول اقرار دا هے

عشق ایاؔز طلبگار دا هے

ساکوں غرض نی ایں عید دی

شوق محمدﷺ دے دیدار دا هے

عید اشعار

ازقلم☜ مولاناعبدالعزیز ایاؔز لودہری 

03027875209

آیا هے سوالی تیڈے در تے آقاﷺ کرم کرو جو کیا منگدے

ڈے واسطہ بی بی زهرا صدقہ اے شیر خدا منگدے

ناں منگدے زر دولت اے ناں کوئ دھو دھا منگدے

تیڈی نظر دا ایاؔز طالب هے دید دی آقاﷺ عطا منگدے

عید اشعار

ازقلم☜ مولاناعبدالعزیز ایاؔز لودہری

03027875209

میڈے مالک دا محبوب مٹھا کر مهر نظر شالا خیر هووی

میں کوجھی کتڑی بدکار اتے اج کرم چا کر شالا خیر هووی

دیدار دا ایاؔز سکدا هویا پووے اج تاں ٹھر شالا خیر هووی

هیں عید تے آتوں گھر میڈے اے وسے گھر شالا خیر هووی

عید اشعار

ازقلم☜ مولاناعبدالعزیز ایاؔز لودہری

03027875209

صبا کریں ترس میڈے حال اتے مدینے چوں جے گزر تھیوے

پجے سنھیڑا اے عربی ماهی کوں ایں حال تے ترس اگر تھیوے

نه رهسی بئی کوئی عرض ولا جے حال تے ایاؔز مهر تھیوے

نی کمی کوئ خزانے وچ هیں عید تے ساکوں نظر تھیوے

عید اشعار

ازقلم مولاناعبدالعزیز ایاؔز لودہری

03027875209

میڈا رب اکبر میں بے عملے تے کر دید مهر اج عید اے

میڈا دل تاں اجڑی کوٹھڑی هے کر مہر نظر اج عید اے

عید ناں هے خوشیاں دا دل خوش چا کر اج عید اے

ڈکھلا روضہ پاک ایاؔز کوں توں تے ول اپنا در اج عید اے

شاعر :مولاناعبدالعزیز ایاؔز لودہری