رمضان آ گیا ہے رمضان آ گیا ہے، رمضان المبارک استقبال شاعری

ماہِ رمضان کی آمد پر خوبصورت نظم

Mahe Ramzan Par Khubsurat Shayari

Ramzan Aa Gaya Hai Ramzan Shayari

رمضان آ گیا ہے

رمضان آگیا ہے رمضان آ گیا ہے

ماہ مبیں میں رب کا قرآن آ گیا ہے

قرآن کی تلاوت دن رات ہی کریں ہم

رحمان کا ہمارے فرمان آ گیا ھے

بے خوف ہوکے روزہ رکھ٘و اے صائمو تم‌

دن رات قید میں اب شیطان آ گیا ہے

کثرت سے ہورہی ہے قرآن کی تلاوت

قسمت سنوارنے کو رمضان آ گیا ہے

رحمت ہے خوب رحمت برکت کا ہے مہینہ

منظر یہ دیکھنے کو رضوان آ گیا ہے

بخشش تمہاری ہوگی روزہ کی برکتوں سے

روزہ یہ لیکے عہدو پیمان آ گیا ہے

پڑھنے لگے قصیدہ حور و ملک فلک پر

اے ! صائمو یہ ماہٍ ذیشان آ گیا ہے

 

بچے تمہار ے حافظ گر ہو گئے تو سن لو

جنت میں جانے کا بھی سامان‌ آ گیا ہے

کرتی ہیں مچھلیاں سب دریا کی یہ دعائیں

بخشش کا لیکے رمضاں سامان آ گیا ہے

رمضان‌ کا‌ مہینہ ہم صائمو کی خاطر

گھر گھر میں رحمتوں کا مہمان آ گیا ہے

بخشش کا ہے مہینہ رمضان اے رئیس اک

کر لو گنہ سے توبہ رمضان آ گیا ہے

رئیس اعظم حیدری کولکاتا