دل کی ویران گلی میں کوئی آیا بھی نہیں : غزل

11 جون 2026

غزل

دل کی ویران گلی میں کوئی آیا بھی نہیں

اور اک نام ہے جو دل سے بھلایا بھی نہیں

عمر بھر ڈھونڈتے پھرتے رہے خود کو لیکن

آئینہ سامنے تھا، ہم نے اٹھایا بھی نہیں

ایک خوشبو تھی جو احساس میں ہر آن رہی

پھول خود اس کو تو ہاتھوں سے لگایا بھی نہیں

رازِ ہستی کا اشارہ تھا ترے ہونٹوں پر

ہم کو سننا تھا مگر تُو نے سنایا بھی نہیں

کتنے دریاؤں کا پانی تھا مری آنکھوں میں

درد کچھ ایسا تھا جس نے کہ رُلایا بھی نہیں

وہ جو ہر سانس میں شامل ہے، نظر سے اوجھل

اُس کو پایا بھی بہت، اُس کو گنوایا بھی نہیں

عشق کی راہ میں یہ حال ہوا ہے اپنا

زخم سینے میں رہا، شور مچایا بھی نہیں

شبِ غم ختم ہوئی، صبح نے دستک دی ہے

کوئی آفاق پہ سورج تو اُگایا بھی نہیں

ہم نے خاموشی کو آواز بنا رکھا ہے

حالِ دل ایسا کہ دنیا کو بتایا بھی نہیں

طارقؔ اس شہرِ تمنّا میں عجب رسم رہی

دل جو ٹوٹا تو کسی کو یہ جتایا بھی نہیں

ڈاکٹر طارِقؔ انور باجوہ - لندن

اور پڑھیں 👇

•ہوش والوں نے جسے سود و زیاں جانا تھا : ڈاکٹر طارق انور باجوہ کی غزل

•ہو نہ ہو، دل میں کوئی راز چھپاتا ہو گا : غزل