حمد ربِ جلیل حمد باری تعالیٰ
حمد ربِ جلیل
میری ہر دھڑکن عبادت ہے تری میرے خدا
ہے عطا تیری کہ اب ہے شاعری میری وفا
صورِ اسرافیل کی جب قبر میں آئے ندا
آنکھ میں کھولوں تو لب پر ہو درودِ مصطفےٰ
تُو، تو کہتا ہے تجھے کوئی نہیں ہے دیکھتا
میں نے دیکھا ہے تجھے اپنے ہی دل میں اے خدا
تجھ سے پوشیدہ مرا کوئی عمل ممکن نہیں
تو جہاں ہوتا نہیں ایسی جگہ کوئی بتا
میں جبیں رکھ دوں جہاں ہوتے ہیں میرے سامنے
تیرے جلوے آشنا قدرت تری تیری عطا
خالق و مسجود تو ہے رازق و معبود تُو
تو خدا جلوے ترے تیری عطا میر ی ضیا
ہیں جبین ِناز میں جلوے ترے، دل میں مرے
نور کے جلوے ترے محبوب تیرے مصطفےٰ
زندگی تیری امانت میں ترا بندہ فقیر
رزق بخشش اس لئے میں ہر گھڑی ہوں مانگتا
روز محشر تک میں چاہوں زندگی مجھ کو ملے
میری جنت ہے مدینہ عرش ہے کعبہ ترا
چار سو تیری ضیا میں زندگی لگتی ہے گل
میرے دل دھڑکن سے جب آنے لگے تیری صدا
٭٭٭
گل بخشالوی
کھاریاں ( پاکستان)
٭٭٭
اور پڑھیں 👇
0 تبصرے