منقبت حضرت خواجہ غریب نواز معین الدین چشتی اجمیری رحمۃ اللہ علیہ کی شان میں شاعری

خواجہُ خواجگان فخر ہندوستان معین الدین حسن چشتی سنجری رح

منقبت

یہی ہے بس مری چاہت مرے غریب نواز

عطا ہو دین کی دولت مرے غریب نواز

دیار ہند میں تجھ سا نہیں کوئی سلطان

دلوں پہ تیری حکومت مرے غریب نواز

کروں نہ کس لۓ قربان جان و دل اپنا

ہے تم سے عزت و شہرت مرے غریب نواز

مجھے تو جو بھی ملا ہے وہ سب تمھارا ہے

یہ میرا دل مری شہرت مرے غریب نواز

تمھارے نام کا صدقہ جو مجھ کو مل جاۓ

تو پھر نہیں کوئی حاجت مرے غریب نواز

ترے کرم نے مجھے مالا مال کر ڈالا

ہے مجھ پہ تیری عنایت مرے غریب نواز

جو تیرے نام کا پٹہ گلے میں ڈال لیا

بڑھی ہے اور مری عظمت مرے غریب نواز

جو نام لیتا ہے شہزاد صبح و شام ترا

ہو اس میں اور بھی شدت مرے غریب نواز

سلیم شہزاد برہان پور