نعت رسول مقبول اردو شاعری
نعتیہ کلام اردو-خوبصورت نعتیہ اشعار
نعتِ رسولِ مکرمﷺ
عرش پر جس کا ہے نقشِ پا سوچئے
وہ مجھ عاصی کا ہے رہنما سوچئے
وہ مجھ عاصی کا ہے رہنما سوچئے
لطفِ آقا کا یہ زاویہ سوچئے
ہم سے لکھوا رہے ہیں ثنا سوچئے
دل کی دھڑکن میں بھی فکرِ امت رہی
میرے سرکار کا سوچنا سوچئے
ہوگی محشر میں جو ہم پہ سایہ فگن
وہ نبی کی مکرم ردا سوچئے
جب یہ دنیا ہے اتنی حسیں تو ذرا
حسن لولاک کی وجہ کا سوچئے
رحمتیں برکتیں کلمہ ایماں درود
ہم پہ کیا کیا ہیں ان کی عطا سوچئے
ابتداء میں ہی آئے ہیں جبریل امیں
ہوگی پھر کیا بھلا انتہا سوچئے
میں نے سب کچھ تو سرکار کو کہہ دیا
آپ اب بیٹھ کر مسئلہ سوچئے
جب اشارے سے ٹکڑے میں بٹتا ہے چاند
ہوگا کیا پھر نبی کا کہا سوچئے
ذکی طارق بارہ بنکوی
سعادتگنج۔بارہ بنکی
یوپی۔بھارت
نعتِ رسول ﷺ
رسول جب نگہِ لطف بار کرتے ہیںمرا سا ایماں مرا جاندار کرتے ہیں
حیات وارتے ہیں جاں نثار کرتے ہیں
اڑیسہ والے کو ہم اتنا پیار کرتے ہیں
خوشا نصیب وہ ہمرازِ غم ہمارا ہے
خدائے پاک جسے رازدار کرتے ہیں
ہمار ے کاسے میں ہے بادشاہ شاہی تری
کہ ہم فقیروں میں اپنا شمار کرتے ہیں
غلامِ احمدِ مختار ہونے کا دعویٰ
ہم ایک بار نہیں باربار کرتے ہیں
کرادے دیدِ مدینہ کہ اس کے منظر اب
اے مرے مولٰی بہت بیقرار کرتے ہیں
بلالو اپنے درِ اعلیٰ پہ اے آقا اب
زمانے والے بہت مجھکو خوار کرتےہیں
کریں گے سامنا کیسے تمہارا اے آقا
عمل ہمارے ہمیں شرمسار کرتے ہیں
مرے مجاہدِ ملّت کی شان کیا کہنا
"وہ جس کو چاہتے ہیں تاجدار کرتے ہیں
کبھی ہوا ہی نہیں ذکرِ مصطفٰے گن کر
یہ ورد ہم تو "ذکی" بے شمار کرتے ہیں
ذکی طارق بارہ بنکوی
سعادتگنج۔بارہ بنکی
یوپی۔بھارت
اور پڑھیں 👇
0 تبصرے