نذرانہ عقیدت بحضور سرور کونین صلی اللہ علیہ وسلم | کشمیری نعت شریف

نذرانہء عقیدت بحضور سرورِ کونین صلی اللہ علیہِ وسلم

السلام علیکم ورحمتہ اللہ وبرکاتہ

۔۔۔۔۔۔۔۔۔۔۔ہ۔۔۔۔۔۔۔۔۔۔۔

تمام معزز ممبر خواتیں و حضراتن ہندس خدمتس منز چھس بہ ناچیز گلی گنڈتھ سلام عرض کراں تہ وومید چھس تھاواں زہ توہی ساری اسو آللہ تعالٰی سئندہ فضل وکرم سیتی وارہ کارہ تہ سئتی چھس آللہ تعالٰہس کن دعا کراں زہ سہ تھاون اسہ سارنے سلامت تہ کرن پننے فصل وکرم تہ عنایت

"زے خطا کارن گنہگارن تہ بخشن ہار چھکھ

چانی رحمت توتہ جاری یود کراں اسی چھی خطاہ"

ازچھ ذاتہ سندس محبوب،دون عالمن ہندس سردار عرب و عجمکس بادشاہ تہ سرور کونین فخر موجودات نبی برحق ساقی کوثر تہ تاجدار انبیاء حضرت احمد مجتبیٰ محمد مصطفی صلی اللہ علیہ وسلمن ہند ولادت باسعادت یعنی؛عید میلاد النبی صلی اللہ علیہ وسلم پورہ عالم انسانیتس منز عقیدت و احترام سان مناونہ یواں

یہ چھ سہ عظیم تہ متبرک دوہہ ییمہ دوہہ رب العالمینن غمزدن،کم پایہ،لاچارن تہ پتھر پیمتین ہند اکھ سہارا رسولِ اکرم صلی اللہ علیہ وسلم دنیہس انتھ پریتھ طرفہ عالم گاشہ روؤ تہ آنہ گٹہ گییہ دور

یتیمن،لاچارن،بے کسن تہ بے بسن او رہنما پریتھ طرفہ پھایاؤ نورے نور تہ جہالتک دور ووت اند

یہوے چھ سہ متبرک تہ مقدس دوہہ ییلہ ظلم و جبرک خاتمہ سپد تہ تھامہ گامز زندگی او بییہ قرار۔۔

پریتھ کانہہ زو زاتھ آیہ وولسنس تہ لئگی پننس پروردگارس حمد و ثنا پرنہ۔پریتھ طرفہ گو کنن صداے لا الہ الااللہ محمد رسول اللہ صلی اللہ علیہ وسلم تہ ساسہ بدی بت آیہ پتھر لاینہ حقچ کامیابی سپدتھ او باطل بتھی واری پتھر لاینہ تہ اکھ اعلیٰ تہ مقدس نظام سپد قائم یس تا دور قیامت قائم تہ دائم روزہ انشاء اللہ تعالیٰ۔

اتھی پوشہ ونس نظامس تہ یہ نظام قائم کرن والس پایہ بئڈس اسن سون زو فدا تہ اسہ دین رب العالمین اتھ نظامس پیروی کرنک توفیق تہ اسہ تھاون رب العزت ٹاٹھس حبیب صلی اللہ علیہ وسلم سئندین داغدارن آندرہ شامل آمین یارب العالمین

کشمیری نعت شریف | نذرانہ عقیدت بحضور سرور کونین صلی اللہ علیہ وسلم

سرورے کونین ختم المرسلین

جلوہ گر گییہ رحمتہ للعالمین

پزی کنتھ سے چھم شفیع المزنبین

جلوہ گر گییہ رحمتہ للعالمین

ابتدا سے چھم تہ سے چھم انتہا

دردو عالم امتک سے پش پناہ

رب کراں تس جا بجا چھی آفریں

جلوہ گر گییہ رحمتہ للعالمین

لوگ کئناہ یتھ کائناتس تہندہ سئتی

حیس نووے او شش جہاتس تہندہ سئتی

دور گییہ گٹہ آؤ ییلہ نور مبین

جلوہ گر گییہ رحمتہ للعالمین

پادہ گو سے نور از نور خدا

ناو تئتھی پیوو نور محمد مصطفی

نور سے عاشق چھ یتھ روح الامین

جلوہ گر گییہ رحمتہ للعالمین

نور سے ییمہ نور نش پرزلان من

نور سے ییمہ سئتی لوب فیض ادمن

نور سے ییمی گاشہ روو عرش بریں

جلوہ گر گییہ رحمتہ للعالمین

تہندہ ینہ استادہ گییہ دینچ الم

وولسنس آیہ دوہہ تہ رات لوح و قلم

پورہ گییہ ساری مراد عاشقین

جلوہ گر گییہ رحمتہ للعالمین

ددی ونن تامتھ تہ او نوو بامنا

بے کسن لاچارنے او رہنما

شاد گییہ یم آسی راتھ تام دل حزیں

جلوہ گر گییہ رحمتہ للعالمین

پریتھ طرف گو شاد مانے شاد ماں

پریتھ اکھاہ وونی کلمےء حق گو پراں

گو منور ہر طرف آسماں زمیں

جلوہ گر گییہ رحمتہ للعالمین

تہندہ ینہ لوب کایناتن نون نجات

بییہ سپد قائم نووے ضبطے حیات

ادہ سپد قائم وجود عالمین

جلوہ گر گییہ رحمتہ للعالمین

گلی گنڈتھ عرفان تس سوزاں سلام

تاقیامت روز زندہ تہندے نظام

سربراہ سے سروراہ سالار دیں

جلوہ گر گییہ رحمتہ للعالمین (صلی اللہ علیہ وسلم)

(عرفان بشیر آڑی جن شوپیان جنوبی کشمیر)

اور پڑھیں 👇

✓خوبصورت نعتیہ اشعار | نعت رسول مقبول اردو شاعری | نعت پاک اردو

✓نعتِ رسولِ مقبول ﷺ : آپ کے در سے شہا سب کا بھَلا ہوتا ہے

✓مصطفی جانِ رحمت پہ لاکھوں سلام : درود و سلام نعت شریف

✓نعت شریف اردو | نعتیہ اشعار اردو | نعت شریف اردو شاعری | نعت پاک اردو

✓نعت شریف اردو | نعتیہ اشعار اردو | نعت شریف اردو شاعری | نعت پاک اردو : سرفراز حسین فراز

✓نعت رسول صلی اللہ علیہ وسلم | نعت شریف اردو میں لکھی ہوئی

✓نعت شریف اردو میں لکھی ہوئی | نعتِ رسول، نعتیں

✓نعت رسول مقبول حضرت محمد صلى الله عليه واله وسلم