رھوے اکھیاں وِچ تصویر اوہدی : پنجابی نعت شریف
نعت شریف
رھوے اکھیاں وِچ تصویر اوہدی
دِل جُھومدا ریہندا ہر ویلے
اوس ناں چوں مِلی تاثیر اوہدی
دِل جُھومدا ریہندا ہر ویلے
اکھیاں وِچ روضے دی جالی اے
میرا انگ انگ اوہدہ سوالی اے
جَگ سارا ہے جاگیر اوہدی
دِل جُھومدا ریہندا ہر ویلے
جس خواب اِچ ویکھیا سوہنے نوں
سوہنے آقاﷺ مَن موہنے نوں
سَچ ھو جاۓ تعبیر اوہدی
دِل جُھومدا ریہندا ہر ویلے
آقﷺ تے درُود جو پڑھدا اے
اوہدے ناں دا وِرد جوکردا اے
رب بدل دیندا تقدیر اوہدی
دِل جُھومدا ریہندا ہر ویلے
اُس شَمع دا جو پروانہ اے
جگ سارا اوہدا دیوانا اے
کی رانجھا تے کی ہِیر اوہدی
دِل جُھومدا ریہندا ہر ویلے
نانے دا دِین بچایا اے
وِچ کربل کُنبہ کوہایا اے
دَسی عَظمت پاک شبیرؓ اوہدی
دِل جُھومدا ریہندا ہر ویلے
ساغر تے نظرِ کرم رکھنا
مَحشر وِچ آقاﷺ بھرم رکھنا
نالے بخش دینا تقصیر اوہدی
دِل جُھومدا ریہندا ہر ویلے
شاعر : جاوید اختر ساغر
0 تبصرے