نعت شریف اردو شاعری
Eid Ki Mubarak Baad Ramzan Ka Mahina Nabi Ki Barkat Eid Par Shayari Ramzan Mein Shayari Behtarin Urdu Naat
Urdu Mein Likha Hua Naat Sharif
Urdu Mein Likha Hua Naat Sharif
Urdu Mein Likha Hua Naat Sharif Islamic Naat Sharif Naat Sharif Lyrics Urdu Naats Lyrics
نعت شریف اردو شاعری نعت رسول ارو
نعتِ رسولﷺ
محبوب کبریا کا ہونٹوں پہ تذکرہ تھا
آنکھوں کے سامنے وہ گنبد ہرا بھرا تھا
محبوب کبریا کا ہونٹوں پہ تذکرہ تھا
آنکھوں کے سامنے وہ گنبد ہرا بھرا تھا
در پر بلا لو آقا، در پر بلا لو آقا
دیوانہ مصطفےٰ کا رو رو کے کہہ رہا تھا
دیکھا تھا خواب میں کل روضے پہ مصطفےٰ کے
جن و بشر، ملک کا میلہ لگا ہوا تھا
سب انبیا براتی دولھا تھے میرے آقا
معراج کا سماں تھا ہر اک فلک سجا تھا
جب آئے آمنہ کے گھر رحمتِ دو عالم
تعظیم کے لیے تب کعبہ بھی جھک گیا تھا
دریائے نیل دیکھو اب تک رواں دواں ہے
حضرت عمر نے اس کو بس ایک خط لکھا تھا
اک سمت تھے ہزاروں اک سمت تھے بہتر
پھر بھی یزیدی لشکر دہشت سے کانپتا تھا
بد مذہبوں کے جس نے چھکّے چھڑا دیے تھے
وہ عکس بوحنیفہ تنہا مرا رضا تھا
"زاہد"قسم خدا کی سچ ہو رہاہے وہ سب
چودہ سو سال پہلے آقا نے جو کہا تھا
محمدزاہد رضابنارسی
دارالعلوم حبیبہ رضویہ گو پی گنج,بھدوہی,یوپی۔انڈیا 9451439786
نعت شریف اردو میں لکھی ہوئی
نعت نبی ﷺ
Urdu Mein Likha Hua Naat Sharif Islamic Naat Sharif Naat Sharif Lyrics Urdu Naats Lyrics
نعت شریف اردو شاعری نعت رسول اردو
جو ڈوبی نبی کے بیانوں میں ہیں
گلستاں کھلے ان زبانوں میں ہیں
گلستاں کھلے ان زبانوں میں ہیں
ہمیں بھی مدینے کا دیدار ہو
کہ ہم بھی تو ان کے دوانوں میں ہیں
فقط نعت کا ذکر کیا کہ نبی
نمازوں میں ہیں اور اذانوں میں ہیں
ہوا کرتا ہے جن میں ذکرِ نبی
بڑی برکتیں ان مکانوں میں ہیں
نبی کی میرے عظمتیں دیکھیے
نشانِ قدم آسمانوں میں ہیں
نبی کے سوا کوئی اپنا نہیں
وہی تو فقط کل جہانوں میں ہیں
تجھے جو اے"زاہد"ہیں آقا ملے
وہ تو مہرباں مہربانوں میں ہیں
محمد زاہد رضابنارسی
دارالعلوم حبیبیہ رضویہ گوپی گنج
بھدوہی,اترپردیش۔انڈیا
نعت شریف اردو میں لکھی ہوئی
نعت نبی ﷺ
اردو میں نعت گوئی لکھی ہوئی
نعت
راحتِ قلب بانٹٹی گزری
جس طرف خوشبو نعت کی گزری
راحتِ قلب بانٹٹی گزری
جس طرف خوشبو نعت کی گزری
عشقِ آقا میں جس کو موت آئی
کامیاب اس کی زندگی گزری
بسترِ مصطفٰےﷺ پہ مت پوچھو
کتنی اچھی شبِ علی گزری
دیکھ کر مصطفٰے ﷺ کی محفل کو
منھ چھپا کر کے تیرگی گزری
خلد بردوش میری آنکھوں سے
شہرِ طیبہ کی ہر گلی گزری
دور رہ کر مدینے سے مولا
بس غموں میں یہ زندگی گزری
قبر میں عاشقِ شہِ دیں کی
رب کی رحمت کی روشنی گزری
جومدینے میں چند دن گزرے
ایسا لگتا ہے اک صدی گزری
بیچ طوفان میں مری کشتی
کہتے کہتے نبی نبیﷺ گزری
جتنی گزری ہے شہر طیبہ میں
زندگی وہ تو جنتی گزری
میرے سرکار کے غلاموں کے
چوم کر پاؤں سروری گزری
نعتِ سرکار کا کرشمہ ہے
زندگی جو خوشی خوشی گزری
کچھ نہ بگڑا بہ فیضِ نادِ علی
مجھ پہ مشکل تو ہر گھڑی گزری
کفر کا نام مٹ گیا "زاہد
جس طرف ان کی رہبری گزری
محمد زاہد رضا بنارسی
دارالعلوم حبیبہ رضویہ گو پی گنج، بھدوہی۔یوپی۔انڈیا
نعتیں اردو میں نعت رسول مقبول
نعت رسول مقبول ﷺ
جشنِ آمدِ آقا دھوم سے منائیں گے
ہم چراغ خوشیوں کے ہر طرف جلائیں گے
ہم چراغ خوشیوں کے ہر طرف جلائیں گے
ہونٹوں کو دردوں سے آج ہم سجائیں گے
پیارے آقا آئیں گے پیارے آقا آئیں گے
راہوں کو سجانے دو، پھولوں کو بچھا نے دو
عاشقِ نبی جھنڈے اپنے اپنے لائیں گے
اپنا یہ عقیدہ ہے کہ کرم نواز آقا
لاج ہم غریبوں کی ہرطرح بچا ئیں گے
رات دن تڑپتاہوں درد و غم کو سہتاہوں
یا نبی مدینے میں آپ کب بلائیں گے
ہوگی جس گھڑی "زاہد"حاضری مدینے میں
تھام کر کے جالی کو حال غم سنائیں گے
محمد زاہد رضا بنارسی
دارالعلوم حبیبہ رضویہ گو پی گنج
بھدوہی۔یوپی۔انڈیا 9451439786
لکھی ہوئی نعتیں اردو میں
آمد مصطفےﷺ
اللہ اللہ حبیبِ خدا آ گئے
بن کے رحمت مرے مصطفیٰ آ گئے
وجہِ تخلیقِ ارض و سماء آ گئے
مصطفٰے آ گئے مصطفٰے آ گئے
جب ولادت ہوئی میرے سرکار کی
بہرِ تعظیم سب انبیاء آ گئے
خاتم الانبیاء سرورِ سروراں
مہبطِ سدرۃ المنتہٰی آ گئے
رشک کر اے حلیمہ تیری گود میں
دونوں عالم کے حاجت روا آ گئے
منھ چھپانے لگی تیرگی کفر کی
جب جہاں میں وہ بدر الدجی آ گئے
ہم گنہگاروں کو ہم خطا کاروں کو
بخشوانے حبیبِ خدا آ گئے
جتنے بیمار تھے پا گئے سب شفا
ہر مرض کی وہ بن کر دوا آ گئے
مجھ کو "زاہد" ہو کیوں فکرِ گمگشتگی
آقا بن کر مرے رہنما آ گئے
محمد زاہد رضا بنارسی
دارالعلوم حبیبہ رضویہ گو پی گنج
بھدوہی۔یوپی۔بھارت
9451439786
اور پڑھیں 👇
0 تبصرے