مدینے کے سپنے سجانے لگے ہیں۔نعت شریف اردو میں۔پریم ناتھ بسمل

نعتیں- نعت رسول مقبول اردو شاعری | پریم ناتھ بسملؔ

نعت شریف اردو شاعری | لکھی ہوئی نعتیں

نعتِ نبی اردو میں

مدینے کے سپنے سجانے لگے ہیں

زمانے کے غم ہم بھلانے لگے ہیں

محمد کی رہتی ہے بس یاد دل میں

نبی میرے دل میں سمانے لگے ہیں

شہنشاہِ مہر و وفا ہیں وہی بس

جہانِ الم بھول جانے لگے ہیں

شہِ امبیا کا کرم جب ہوا تب

غموں میں بھی ہم مسکرانے لگے ہیں

پلٹ کر نہ جائیں مدینے سے گھر کو

مدینے میں سر ہم جھکانے لگے ہیں

محمد کے اوصاف لکھنے چلا ہوں

قلم خودبخود تھرتھرانے لگے ہیں

لگایا ہے قرآن جب اپنے دل سے

مدینے کے سلطاں بلانے لگے ہیں

نہیں پیاس باقی رہی میرے دل کی

نبی آبِ زمزم پلانے لگے ہیں

ہمیں ناز ہے اپنی قسمت پہ بسملؔ

گلے ہم کو آقا لگانے لگے ہیں

پریم ناتھ بسملؔ

مرادپور، مہوا، ویشالی، بہار

نعت شریف اردو شاعری نعتِ نبی | Naat Sharif Lyrics in Urdu

میں بھی اک بار کبھی جا کے مدینہ دیکھوں

کالی کملی میں چھپا ہے جو خزینہ دیکھوں

۔

چاہتا ہوں کہ وہیں جا کے رکھوں میں روزہ

کیسے رمضان کا کٹتا ہے مہینہ دیکھوں

۔

بن کے پتوار مرے آقا چلے آتے ہیں

پھر بھلا ڈوبے گا کیسے یہ سفینہ دیکھوں

۔

ایسا طوفان محبت کا اٹھا مغرب سے

اہلِ نفرت کے ہے ماتھے پہ پسینہ دیکھوں

۔

ذکر کرتا ہوں محمد کا میں ہر دم بسملؔ

دل میں حسرت ہے کہ جنت کا وہ زینہ دیکھوں

۔

پریم ناتھ بسملؔ

مرادپور، مہوا، ویشالی۔ بہار

رابطہ۔8340505230

نعت شریف | نعت شریف اردو | نعتِ رسول

کہہ رہا ہوں میں سچ ہے خدا کی قسم

مجھ پہ پیارے نبی کا ہوا ہے کرم

۔

دل میں حسرت مدینے کو جانے کی ہے

ہے نظر میں مدینہ مرے دم بہ دم

۔

وہ نبی ہیں خدا کے یہ حق بات ہے

بات سچ ہے نہیں اس میں کوئی بھرم

پریم ناتھ بسملؔ

مرادپور، مہوا، ویشالی، بہار، انڈیا